სახელმწიფო მინისტრმა რეინტეგრაციის საკითხებში პაატა ზაქარეიშვილმა იმედი გამოთქვა, რომ პრემიერ მინისტრის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე და რუსეთის საგარეო საქმეთა მინისტრის პირველი მოადგილე გრიგორი კარასინი მომდევნო შეხვედის ფორმატზეც შეთანხმდებიან.
როგორც ჟურნალისტებთან საქართველოს ევროკავშირში ინტეგრაციის კომისიის სხდომის დასრულების შემდეგ ზაქარეიშვილმა განაცხადა შვეიცარიაში დაგეგმილი შეხვედრა მხოლოდ ტექნიკური ხასიათის იქნება.
"ჟენევაში მნიშვნელოვანი შეხვედრა იწყება ბატონ ზურაბ აბაშიძესა და გრიგორი კარასინს შორის. ეს იქნებას უფრო ტექნიკური ხასიათის შეხვედრა და არანაირ გარღვევებს ადგილი არ ექნება. იმედია შეხვედრისას დაიგეგმება მომდევნო შეხვედრაც რათა საქართველო-რუსეთის საკითხების განხილვა პირდაპირი კონტაქტების საშუალებით მოხდეს", _ განაცხადა ზაქარეიშვილმა.
შეგახსენებთ, რომ 2008 წლის აგვისტოს შემდეგ რუსეთ-საქართველოს შორის პირდაპირი მოლაპარაკებები პირველად შვეიცარიაში გაიმართება და მას ქართული მხრიდან ზურაბ აბაშიძე ხოლო რუსეთის მხრიდაბ გრიგორი კარასინი გამართავენ.
