სენაკის სამხედრო ბაზის მშენებლობისთვის მოსახლეობისთვის წართმეული მიწის ნაკვეთების სანაცვლოდ, მეპატრონეები თავდაცვის სამინისტროს ხელმძღვანელობისგან სამართლიანობის აღდგენასა და კომპენსაციას ითხოვენ.
მოსახლეობა აცხადებს, რომ წლებია ცდილობენ სამართლიანობის აღდგენას, თუმცა თავდაცვის სამინისტროს არაერთი ყოფილი ხელმძღვანელი მათ კანონიერ მოთხოვნას დღემდე უგულველებყოფდა.
"მხოლოდ, 2008 წლის ივლისში, ვითომ, გადაწყდა კომპენსაციების გაცემის საკითხი, მაგრამ მერე, აგვისტოს ომი დაიწყო და ჩვენთვის ვერავინ მოიცალა", - განუცხადა "ჯი-ეიჩ-ენს" ტერიტოროული მთლიანობისთვის წარმოებული ბრძოლების ვეტერანმა ვაჟა დოლბაიამ.
მისი თქმით, არ დარჩენილა სახელმწიფო უწყება, რომელსაც არ მიმართეს დაზარალებულებმა, მაგრამ ეს პრობლემა მუდამ გადაუჭერელი დარჩა.
"რა გასაკვირია სახელმწიფო უწყებების ასეთი დამოკიდებულება, მაშინ, როდესაც თავდაცვის სამინისტრომ ამ საკითხთან დაკავშირებით თვით სახალხო დამცველს არ გასცა პასუხი. თუ 2008 წლის ივლისში გვეკუთნოდა კომპენსაცია, მერე რატომ არ გვეკუთვნის? თავდაცვის სამინისტროს შესაბამისი უწყების წარმომადგენლები პირად საუბრებში აცხადებდნენ, რომ მართალია მიწის მესაკუთრეები თქვენ ხართ, მაგრამ რეალობა ისეთია, რომ კომპენსაციას ვერ მიიღებთო", - განაცხადა დანელიამ.
მისივე თქმით, ექვსმა მეპატრონემ ჯერ კიდევ 2004 წელს დაიწყო აღნიშნულ საკითხე დავა.
"როგორც იქნა 2006 წელს თავდაცვის სამინისტრო ვაიძულეთ გამოეთხოვა საკუთრების დამდასტურებელი მასალები, საიდანაც თვალნათლივ ჩანს, რომ ჩვენ ეს მიწის ნაკვეთები საკუთრებაში ჯერ კიდევ 2000 წელს გადმოგვეცა. ამის მიუხედავად თავდაცვის სამინისტრო აცხადებს, რომ ეს არაა საკმარისი მტკიცებულება იმისთვის, რომ კომპენსაციები მოგვცენ. ნამდვილად არასოდეს მიკადრებია მანიპულირება ჩემი მდგომარეობით. სამშობლოს სამსახურში დავინვალიდდი, I ჯგუფის ინვალიდი ვარ, თადარიგის მაიორი და ვერ ვიფიქრები, რომ ჩემი ქვეყნის ხელისუფლება ასე სასტიკად მომექცეოდა და მე და ჩემს შვილებს საკუთრებას წაგვართმევდა", - აცხადებს დილბაია.
დილბაიას თქმით, გარკვეული პერიოდის განმავლობაში იყო ზეწოლა თავდაცვის სამინისტროდან, რათა დაზარალებულებს მიემართათ სასამართლოსთვის.
"თუმცა კეთილი ადამიანები ამ უწყებაშიც აღმოჩნდნენ, რომლებმაც გვითხრეს რომ სასამართლო გამოტანდა უკანონო დადგენილებას და ჩვენ იურიდიულად აღმოვჩნდებოდით უმძიმეს მდგომარეობაში", - აცხადებს დოლბაია და დასძენს, - "2012 წელის 10 მაისს საქართველოს სახალხო დამცველმა კვლავ გამოითხოვა საკუთრების დამადასტურებელი დომუმენტაციები, სადაც კვლავინდებურად დადასტურდა, რომ მიწა ჩვენი კუთვნილებააა. მაგრამ თადაცვის სამინისტროს დღემდე არ გაუცია პასუხი სახალხო დამცველის 2012 წლის 30 აპრილს წერილზე, თუ რის საფუძველზე სარგებლობს ეს უწყება ჩვენი კუთვნილი მიწით".
დოლბაია აცხადებს, რომ ამჯერად, დაზარალებულები ჯერ თავდაცვის სამინისტროს მიმართავენ და თუ კვლავ ვერ მოხერხდა სამართლიანობის აღდგენა, მაშინ შეცდებიან სხვა კანონიერი გზებით მიღაწიონ სამართალს.
