"გუდვილი" ბარბარობისა და ნიკოლოზობის დღესასწაულებს ულოცავს თავის მომხმარებელს და დღეიდან, 14 დეკემბრიდან, "მარშესა" და "უდვილის" წარმოების სრულ ასორტიმენტზე (1500 სახეობის პროდუქტი) 20%-იან ფასდაკლებას აცხადებს.
"აღნიშნული ფასდაკლების აქცია გუდვილისთვის ყველაზე ფასეული და გამორჩეულია. კარგად უნდა გვესმოდეს, რომ კვების პროდუქტების ადგილობრივი წარმოების ბაზარზე 20%-იანი ფასდაკლება ისეთივე მნიშვნელობის და მასშტაბის არის, რაც თუნდაც ტანსაცმლის ბიზნესში 70-80%-იანი ფასდაკლებაა. გუდვილი და მარშე ერთობლივად 1500 დასახელების პროდუქტს აწარმოებენ. ეს პროდუქტი ძალიან პოპულარულია ჩვენს მომხარებელში და ვფიქრობთ, ფასდაკლების ამ უნიკალური აქციით მათ ძალიან გავახარებთ", - განაცხადა "გუდვილის" გენერალურმა დირექტორმა მიხეილ ჩარკვიანმა.
უკვე ცნობილია, რომ "გუდვილისა" და "მარშეს" წარმოების 1500 დასახელების პროდუქტზე სადღესასწაულო, 20%-იანი ფასდაკლება 21 დეკემბრამდე გასტანს და "გუდვილის" მთლიან ქსელს მოიცავს ("მარშეს" წარმოებულ პროდუქტზე ფასდაკლება მხოლოდ "გუდვილის" ქსელში იმოქმედებს).