მულტინაციონალური სატელეკომუნიკაციო კომპანია Huawei ქართულ სამომხმარებლო ბაზარზე ოფიციალურად შემოვიდა. კომპანია მომხმარებელს მაღალი ხარისხის „სმარტფონებსა" და მედიაპადებს ექსკლუზიურად „ალტას" მაღაზიათა ქსელში სთავაზობს და 28 ნოემბერიდან უკვე გაყიდვაშია. „ალტაში" მიაჩნიათ, რომ კონკურენტუნარიანი ფასები და მაღალი ხარისხი, საქართველოს საცალო ბაზარზე HUAWEI პროდუქციას პოპულარობას მალე მოუტანს.
თავის მხრივ, HUAWEI ქართული ბაზრის საცალო სეგმენტში ხმამაღალი ამბიციებით შემოდის და Apple, Samsung-სა და NOKIA-ს სერიოზულ კონკურენციას პირდება. ამასთან, 2013 წელს კომპანიას საქართველოში გაყიდვების კუთხით სამეულში მოხვედრა აქვს დაგეგმილი. მსოლფიოს მასშტაბით 2012 წლის მესამე კვარტლის მონაცემებით, გაყიდვების მიხედვითHUAWEI, 16 მილიონი რეალიზებული ტელეფონითმესამე ადგილზე გავიდა.
კომპანია „Tbilisi Huawei Technologies Co"-ს გაყიდვების დირექტორის ვახტანგ ცაგარელის განცხადებით ქართული ბაზრის არჩევა ქართველი მომხმარებლის დამოკიდებულებამ განაპირობა ხარისხისა და ფასისმიმართ. „ქართველი მომხარებელი მგრძნობიარე და მომთხოვნია მაღალი ხარისხის მობილური ტელეფონების მიმართ, რომელიც მისაღები იქნება ფასითაც. დარჩმუნებული ვარ ჩვენი შემოსვლა სამომხმარებლო ბაზარზე მობილური ტელეფონებით იქნება წარმატებული და ნაყოფიერი. ჩვენი კონკურენტული უპირატესობაც, სწორედ ხარისხისა და ფასის შეფარდებაა, ახალი ტექნოლოგიური გადაწყვეტილებები და ის უზარმაზარი გამოცდილება, რომელიც კომპანიას გააჩნია ტელეკომუნიკაციის სფეროში. კომპანია საცალო ბაზარზე თავის დამკვიდრებას კრეატიული მიდგომებით გეგმავს, იგეგმება ბრენდის მხარდამჭერი პერიოდული ღონისძიებები და გათამაშებები სოციალურ ქსელში და სხვა," - განმარტავს ვახტანგ ცაგარელი.
HUAWEI ჩინური ბრენდია, რომელიც მსოფლიომ აღიარა, როგორც მაღალი ხარისხის ტექნიკის მწარმოებელი. სტატისტიკის უკანასკნელი მონაცემებით, სატელეკომუნიკაციო ბაზარზე კომპანია პირველ, ხოლო სმარტფონების გაყიდვებში მსოფლიოში მესამე ადგილს იკავებს.HUAWEI უცხოეთის ბაზრების ათვისება 90-იან წლებში დაიწყო და 1998 წელს საერთაშორისო დონის კომპანია გახდა. მოგვიანებით, 2005 წელს კომპანია მსოფლიოს სამ წამყვან სატელეკომუნიკაციო მომწოდებელს შორის დასახელდა. რაც ცხადყოფს რომ Huawei მსოფლიოს ბაზარზე ლიდერი კომპანიაა.კომპანია საქართველოს ბაზარზე კი 2001 წლიდან წარმატებულად ოპერირებს და ნაყოფიერი თანამშრომლობა აკავშირებს სატელეკომუნიკაციო და ფიჭური კავშირგაბმულობის სფეროში მოღვაწე ავტორიტეტულ ქართულ კომპანიებთან.