,,ჟენევის მოლაპარაკებაზე კონკრეტული წინადადებები გვქონდა წარდგენილი", _ განაცხადა ჟურნალისტებთან საქართველოს საგარეო საქმეთა მინისტრმა ჩაშლილი ჟენევის 22 რაუნდის მოლაპარაკების კომენტირებისას და აღნიშნა, რომ მომდევნო შეხვედრა მარტში გაიმართება.
"ჩვენ გვქონდა წარდგენილი კონკრეტული წინადადებები და არგუმენტები. ვქმნიდით პირობებს, რომ შეხვედრა წარმატებული ყოფილიყო, მაგრამ მიუხედავად ამისა შეხვედრის მეორე რაუნდი არ შედგა, თუმცა ეს არ ნიშნავს იმას, რომ შეხვედრები არ გაგრძელდება. მომდევნო შეხვედრა მარტშია დაგეგმილი", _ განაცხადა მაია ფანჯიკიძემ და აღნიშნა, რომ ჟენევის ფორმატში ჩვეულ რეჟიმში უნდა გაგრძელდეს და მას ხელს არ შეუშლის ზურაბ აბაშიძისა და გრიგორი კარასინის შეხვედრა.
"ჟენევის მოლაპარაკებებს თავისი ამოცანა აქვს, ამიტომ აბაშიძისა და კარასინის შეხვედრა ამ ფორმატს ხელს არ შეუშლის", _ განაცხადა ფანჯიკიძემ.
შეგახსენებთ, რომ კარასინის განცხადებით ახალ ქართულ გუნდს ჟენევაში არავითარი ახალი იდეები არ წარმოუდგენია."მინდა განვაცხადო, რომ გუნდს, რომელსაც ნიკოლოზ ვაშაკიძე ხელმძღვანელობდა არავითარი ახალი იდეები არ წარმოუდგენია ", _ ეს განცხადება რუსეთის საგარეო საქმეთა მინისტრის მოადგილემ გრიგორი კარასინმა ჟენევის საერთაშორისო მოლაპარაკებათა მორიგი რაუნდის დასრულების შემდეგ გააკეთა. კარასინი მოლაპარაკებებზე რუსულ დელეგაციას ხელმძღვანელობს.
"წარმოუდგენია. იმედი მაქვს საჭიროა რაღაც დრო იმისათვის, რომ ახალი ქართული გუნდი ჟენევის მოლაპარაკებებს მოერგოს. ასევე იმედი მაქვს, რომ ქართული დელეგაციის წევრები ასევე მოერგება ჩვენი აფხაზი და ოსი პარტნიორების კონტრარგუმენტაციას", _ განაცხადა კარასინმა.