საქართველოს საგრეო საქმეთა მინისტრი შვედეთის, პოლონეთისა და ბულგარეთის წარმომადგენლებს შეხვდა. როგორც შეხვედრის დასრულების შემდეგ გამართულ ერთობლივ პრესკონფერენციაზე მაია ფანჯიკიძემ განაცხადა შეხვედრაზე საუბარი შეეხო ქვეყნებს შორის პოლიტიკურ, ეკონომიკურ ურთიერთობების გაღრმავებას, მათ შორის საქართველოში მიმდინარე პოლიტიკურ პროცესებს.
,, ჩვენთვის დიდი პატივია, რომ საქართველოში კიდევ ერთხელ ჩამოვიდნენ ჩვენი ძველი მეგობრები. ზაფხულის შემდეგ ეს მათი პირველი ვიზიტია. შეხვედრაზე ჩვენ ვისაუბრეთ ორმხრივ ურთიერთობებზე და იმ ვიზიტებზე რომელიც მქონდა ევროპასა და აშშ-ში. ვისაუბრეთ საგარეო პრიორიტეტებსა და რუსეთ-საქართველოს შორის ურთიერთობის ახალ დინამიკაზე" - განაცხადა მაია ფანჯიკიძემ.
შეგახსენებთ, რომ საქართველოს საგარეო საქმეთა მინისტრი მაია ფანჯიკიძე შვედეთის საგარეო საქმეთა მინისტრს კარლ ბილტს, ბულგარეთის საგარეო უწყების ხელმძღვანელს ნიკოლაი მლადენოვსა და პოლონეთის პრეზიდენტის ადმინისტრაციის ხელმძღვანელს იაცეკ მიხალოვსკის შეხვდა.