წყნეთის სამთავრობო აგარაკები პრივატიზაციას დაექვემდებარება. საბოლოო გადაწყვეტილება მიღებული არ არის, თუმც როგორც ეკონომიკისა და მდგრადი განვითარების მინისტრის მოადგილე დიმიტრი ქუმსიშვილი განმარტავს, დღეისათვის წყნეთის სამთავრობო აგარაკებით ფაქტობრივად აღარავინ არ სარგებლობს და განიხილება მათი საპრივატიზაციო ნუსხაში შეტანა და გაყიდვა.
„საუბარია წყნეთის სამთავრობო არაკებზე. დღეისათვის წყნეთის სამთავრობო აგარაკები დაცლილია, და იქ დღეს მხოლოდ რამდენიმე ოჯახი ცხოვრობს. ვფიქრობთ, რომ ეს აგარაკები საპრივატიზაციო ნუსხაში შევიდეს, ან მათთვის მოფიქრებული იქნება კიდევ უფრო სასარგებლო დანიშნულება.
წყნეთში არის 16 სამთავრობო აგარაკი და რამდენადაც გავარკვიე სახელმწიფო კანცელარია წყვეტდა თუ რომელი მაღალჩინოსანისთვის მიეცათ, აღნიშნულ აგარაკში ცხოვრების უფლება"- განმარტავს დიმიტრი ქუმსიშვილი.
მინისტრის მოადგილის განმარტებით, როგორც მისთვისაა ცნობილი, აგარაკების მოვლა პატრონობა, იგულისხმება ხელფასები და მიმდინარე რომონტი, საშუალოდ წელიწადში 1 მლნ ლარი უნდა დახარჯულიყო, თუმცა გამომდინარე იქედან, რომ ეს აგარაკები სხვა შპს-ების ბალანსზეა ძნელია იმის დადგენა, თუ რეალურად რა უჯდებოდა ამ აგარაკების შენახვა სახელმწიფოს.