დეპუტატი გიორგი გაბაშვილი ყოფილი პროკურორის, დავით საყვარელიძის ფინანსთა სამინისტროს საგამოძიებო სამსახურში დაბარებას პოლიტიკური ოპონენტების დისკრედიტაციას უკავშირებს. როგორც გაბაშვილმა განაცხადა, ხადურის მიერ წამოყენებული ბრალდებები უსაფუძვლოა.
"ჯერ კიდევ როდესაც საქმის მოკვლევა მიმდინარეობს, ბატონი ხადური ადამიანებს დამნაშავეებად აცხადებს. დღეს მან გააკეთა კომენტარი, თითქოს საქმე გვაქვს თანხების გაფლანგვასთან. სინამდვილეში, ეს არის ტყუილი, ცილისწამება. ერთადერთი ამოცანა პოლიტიკური ოპონენტების დისკრედიტაციაა", - განაცხადა გაბაშვილმა.
შეგახსენებთ, რომ რიყის ტერიტორიის გასხვისებასთან დაკავშირებით ყოფილი პროკურორი დავით საყვარელიძე ფინანსთა სამინისტროს საგამოძიებო დეპარტამენტშია დაბარებული.