ეგვიპტის დედაქალაქ ქაიროში პოლიციასა და საპროტესტო აქციის მონაწილეებს შორის შეტაკებისას სამი ადამიანი დაიღუპა. ამის შესახებ ინფორმაციას ადგილობრივი ხელისუფლება ავრცელებს. სამსასზე მეტმა ადამიანმა სხვადასხვა სახის დაზიანება მიღო. დაპირისპირება მხარებს შორის გუშინ მთელი დღის განმავლობაში გვიან ღამემდე მიმდინარეობდა.
პოლიციამ დემონსტრანტების დასაშლელად, რომლებიც სასახლის მიმართულებით დაიძრნენ, ცრემლსადენი გაზი გამოიყენა. პრეზიდენტ მუსრის მომხრები შეცადნენ დაერბიათ პრეზიდენტის სასახლესთან გაშლილი კარვები.
ბი-ბი-სის ინფორმაციით, ათობით ათასი დემონსტრანტი წინააღმდეგია ნაჩქარევი რეფერენდუმის ჩატარების, რომელიც ახალი კონსტუიტუციის მიღებისა და პრეზიდენტისთვის უფლებამოსილების გაფართოების საფუძველი უნდა გახდეს.
საინფორმაციო საშუალებები იტყობინებიან, რომ დემონსტრატები იმავე ხასიათის ლოზუნგებს სკანდირებენ, რაც 2011 წელს ჰოსნი მუბარაქის წინააღმდეგ გამართული აქციებისას ისმოდა.
შეგახსენებთ, რომ ეგვიპტეში აქციები პრეზიდენტის მუჰამედ მუსრის გადაწყვეტილების გამო დაიწყო, რომლის მიხედვითაც პრეზიდენტმა თავისი უფლებამოსიულება გაიფართოვა და ამიერიდან მისი ნებისმიერი გადაწყვეტილების გაპროტესტება შეუძლებელი ხდება.
მუსრის განკარგულებით, მისი გადაწყვეტილებების სასამართლოში გასაჩივრება იკრძალება.
საპროტესტო გამოსვლები ქაიროში და ეგვიპტის სხვა ქალაქებში რამდენიმე დღეა გრძელდება. პრეზიდენტის მომხრეებსა და მოწინააღმდეგებს შორის მომხდარი შეტაკებებისას ათამდე ადამიანი გარდაიცვლა, ათობით ადამიანმა სხვადასხვა სახის დაზიანება მიღო.