დღეს, 6 დეკემბერს, 19:00 საათზე საქართველოს პარლამენტის ეროვნულ ბიბლიოთეკაში ლექცია „ელექტრონული წიგნები - ტექსტიდან ინტერაქციამდე" და ელექტრონული სახლის „საბა" ახალი პროდუქტის „ინტერაქტიული ანბანი" პრეზენტაცია გაიმართება.
ლექცია შეეხება წიგნის მოკლე ისტორიას, ავტორ-გამომცემლებს, ახალ მიმდინარეობებს ლიტერატურაში, რომლებიც ელექტრონულმა წიგნებმა გააჩინეს, ელექტრონული წიგნების საკითხავ მოწყობილობებს, ინტერაქტიულ წიგნებს, ელექტრონული წიგნის ტიპებს: მხატვრული ლიტერატურა; ელექტრონული ლექსიკონები; ელექტრონული სახელმძღვანელოები.
ლექციას გაუძღვება ელექტრონული წიგნის სახლის "საბა" ტექნიკური დირექტორი სანდრო ასათიანი.