2012 წლის ნოემბერში 2011 წლის ნოემბერთან შედარებით ინფლაციის დონემ საქართველოში -0,5 პროცენტი შეადგინა. „საქსტატის" ინფორმაციით, 12-თვიან პერიოდში აღნიშნული მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელების; საცხოვრებელი, წყალის, ელექტროენერგიისა და ჯანმრთელობის დაცვის ჯგუფებმა.
სურსათი და უალკოჰოლო სასმელები: მოცემულ ჯგუფში ფასები შემცირდა 1,8 პროცენტით. შესაბამისად, ჯგუფის წვლილმა ინფლაციის საერთო მაჩვენებელში -0,32 პროცენტული პუნქტი
შეადგინა. ფასების კლება დაფიქსირდა ბოსტნეულსა და ბაღჩეულზე (12,8 პროცენტი), შაქარი, ჯემი და სხვა ტკბილეულის ქვეჯგუფზე (9,5 პროცენტი), ზეთსა და ცხიმზე (3,3 პროცენტი). ამასთან, ფასები გაიზარდა ხილსა და ყურძენზე (13,6 პროცენტი).
საცხოვრებელი, წყალი, ელექტროენერგია, აირის ჯგუფზე ფასები შემცირდა 2,7 პროცენტით. შესაბამისად, ჯგუფის წვლილმა წლიური ინფლაციის საერთო მაჩვენებელში -0,21 პროცენტული
პუნქტი შეადგინა.
ჯანმრთელობის დაცვა: მოცემულ ჯგუფში ფასები გაიზარდა 2,5 პროცენტით. შესაბამისად, ჯგუფის წვლილმა ინფლაციის საერთო მაჩვენებელში 0,19 პროცენტული პუნქტი შეადგინა. ფასები გაიზარდა ამბულატორიული სამედიცინო მომსახურების ქვეჯგუფზე (16,3 პროცენტი); ამასთან,
ფასების კლება დაფიქსირდა ფარმაცევტულ ნაწარმზე (8,5 პროცენტი).
