საერთაშორისო სავაჭრო პალატის თავმჯდომარე ფადი ასლი საქართველოს პარლამენტის დავმჯდომარეს დავით უსუფაშვილს შეხვდა. აღნიშნულ შეხვედრაზე განხილულ იქნა, როგორც ქვეყანაში ბიზნესისა და საინვესტიციო გარემოს გაუმჯობესების საკითხები, ასევე პალატისა და საპარლამეტნო წარმომადგენლებს შორის თანამშრომლობის პერსპექტივები, მომავალში განსახორციელებელ საკანონმდებლო ცვლილებებთან დაკავშირებით.
„ეს იყო ძალიან მეგობრული და ღია შეხვედრა, სადაც განხილულ იქნა საკითხები თუ როგორ შეიძლება გაუმჯობესდეს საინვესტიციო და ბიზნეს გარემო ქვეყანაში. ასევე განვიხილეთ პარლამენტსა და საერთაშორისო სავაჭრო პალატას შორის თანამშრომლობის პერსპექტივები. შეთანხმებულ იქნა, რომ პალატის კომისიების თავმჯდომარეები მჭიდროდ ითანამშრომლებენ პარლამენტის წარმომადგენლებთან, განსაკუთრებით კი შრომის კოდექსსა და კონკურენციის შესახებ კანონთან დაკავშირებით, რომელიც ეხლა ცვლილებების შეტანის ეტაპზეა"- განაცხადა ფადი ასლიმ.
შეგახსენებთ, რომ საერთაშორისო სავაჭრო პალატა არის უმსხვილესი მსოფლიო ბიზნესორგანიზაცია, რომელიც წარმოდგენილია 120-ზე მეტ ქვეყანაში და აერთიანებს ასიათასობით კომპანიას. საერთაშორისო სავაჭრო პალატა უფლებამოსილია ისაუბროს ბიზნეს წარმომადგენლების სახელით მსოფლიოს ნებისმიერ კუთხეში.
