სეპარატისტული აფხაზეთის შს სამინისროს ინფორმაცით, აფხაზეთში 2009 წელს სისხლის სამართლის 894 დანაშაული მოხდა, მათ შორის 491 _ მძიმე. განცხადება ამის შესახებ სეპარატისტული აფხაზეთის შს სამინისტროს კოლეგიაზე შს სამინისტროს შტაბის უფროსმა მურმან გეგიამ გააკეთა. მისი ინფორმაციით, გასულ წელს მომხდარი დანაშაულებებიდან გახსნილია 527 მათ შორის 203 მძიმე დანაშაული.
გეგიას ინფორმაციით, განსაკუთრებით მძიმე დანაშაულის რაოდონობამ, 2008 წელთან შედარებით, 2009 წელს 16, 2 % მოიმატა. გაიზარდა რეზონანსული მკვლელობებისა და განზრახ მკვლელობების რიცხვი.
სეპარატისტული აფხაზეთის შს სამინისტროს მონაცემებით, დანაშაულის დონემ 2009 წელს ყოველ ათას ადამიანზე 3, 8 % შეადგინა.
გასულ წელს დარეგისტრირებულია 288 დანაშაული, რომელიც კერძო საკუთრებას ეხება. აფხაზეთის ე. წ. შს სამინისტრომ ასევე დაარეგისტრირა 63 შემთხვევა, რომელიც ნარკოდანაშაულის შემთხვევათა რიგს მიეკუთვნება. 2008 წელს ეს რიცხვი აფხაზეთში 43-ს შეადგენდა.
"30-მდე ადამიანი სისხლის სამართლის პასუხისგებაში მიეცა. გამოსაკვლევად გაგზავნილია 520 ადამიანი. სულ შს სამინისტროს შტაბის მონაცემებით წარმოებაში მიცემულია 682 საქმე", _ იუწყება აფხაზური მხარე.
