„ღაზას სექსტორში დაწყებული ოპერაცია, ისრაელის აგრესიული პოლიტიკის ერთ-ერთი მაგალითია" - ეს განცხადება თურქეთის საგარეო საქმეთა სამინისტრომ დღეს გააკეთა. „ჩვენ მკვეთრად უარყოფითად ვაფასებთ ღაზაზე თავდასხმას და სამხედრო შეტევის სასწრაფოდ შეჩერებას მოვითხოვთ" - ნათქვამია გავრცელებულ მიმართვაში.
განცხადებაში ასევე აღნიშნულია, რომ არცერთ სახელმწიფოს არ აქვს უფლება საერთაშორისო კანონმდებლობაზე მაღლა დადგეს. ამიტომ თურქეთის დიპლომატიური უწყება მიიჩნევს, რომ მსოფლიო საზოგადოებამ სათანადო რეაგირება უნდა მოახდინოს ამ ფაქტზე. ანკარამ უკვე მიმართა გაერთიანებული ერების ორგანიზაციას და სამშვიდობო ინიციატივით გამოსვლა სთხოვა. „თურქეთი კი კვლავ გააგრძელებს სოლიდარობის და თანადგომის გამოხატვას ღაზას სექტორის მოსახლეობის მიმართ" - აცხადებენ საგარეო საქმეთა სამინისტროში.
მასალის გამოყენების პირობები
