ნატო-ს საპარლამენტო ასამბლეა საქართველოში ჩატარებულ არჩევნებს დადებითად აფასებს, ახალ მთავრობას და პრეზიდენტს კი 2013 წლის არჩევნებამდე თანამშრომლობისკენ მოუწოდებს , - ნატოს საინფორმაციო ცენტრის ცნობით, ამის შესახებ ნათქვამია ნატო-ს საპარლამენტო ასამბლეის რეზოლუციის სამუშაო ვარიანტში.
"ვაფასებთ რა საქართველოში ჩატარებულ დემოკრატიულ არჩევნებს, რომელიც იყო ლაკმუსის ტესტი საქართველოს დემოკრატიული განვითარებისთვის და ვაფასებთ რა ხელისუფლების პირველ საარჩევნო გზით გადაცემას ამ ქვეყანაში, ნატო-ს საპარლამენტო ასამბლეა
მოუწოდებს საქართველოს ახალ მთავრობას და პრეზიდენტს, განაგრძონ რეფორმები და უზრუნველყონ ეფექტური თანამშრომლობა 2013 წლის ოქტომბრის საპრეზიდენტო არჩევნებამდე; მოუწოდებს ჩრდილოატლანტიკური ალიანსის წევრი სახელმწიფოების მთავრობებს, პარლამენტებს და ნატო-ს: მიიწვიოს საქართველო ბუქარესტის და ჩიკაგოს სამიტების გადაწყვეტილებების შესაბამისად და მისი დემოკრატიული პროგრესის აღსანიშნავად გადადგას ნაბიჯი წინ საქართველოს ევროატლანტიკური ინტეგრაციისკენ, განიხილოს მისთვის გაწევრიანების სამოქმედო გეგმის (MAP) მინიჭება, რათა უზრუნველყოს მისი პოლიტიკური და ინსტიტუციური რეფორმების უფრო მრავლისმომცველი და სიღრმისეული განხორცილება", - ნათქვამია ნატო-ს საპარლამენტო ასამბლეის რეზოლუციის სამუშაო ვარიანტში, რომლის ქართული თარგმანი ნატოს შესახებ საინფორმაციო ცენტრის ვებგვერდზე გამოქვეყნდა.