ამერიკის შეერთებულ შტატებში, ცენტრალური სადაზვერვო სამმართველოს შეფთან დაკავშირებული სექს-სკანდალი გრძელდება. ირკვევა ახალი დეტალებიც. კერძოდ, აღმოჩნდა, რომ გენერალს, შესაძლოა, კიდევ ერთი საყვარელი ჰყავდა. როგორც გაზეთი "ვაშინგტონ პოსტი" წერს, ამის შესახებ ინფორმაცია, მათ გამოძიებასთან დაახლოვებულმა პირმა მიაწოდა.
როგორც გაირკვა, პეტრეუსის საყვარელმა და მისმა ბიოგრაფმა, პოლ ბროდველმა ელექტრონულ ფოსტაზე ანონიმური მუქარის წერილი გაუგზავნა სხვა ქალს, რომელიც დაზვერვის ხელმძღვანელის გარემოცვიდან იყო და რომელზეც, სავარაუდოდ, პოლი ეჭვიანობდა. წერილის მიმღები ქალბატონი იმდენად შეაშინა მუქარამ, რომ მან დახმარებისათვის გამოძიების ფედერალურ ბიუროს მიმართა და მისი გამომგზავნის ვინაობის დადგენა სთხოვა - წერს გაზეთი.
გამოძიების ფედერალურმა ბიურომ გაარკვია, რომ წერილის ავტორი ბროდველი იყო. ამის შემდეგ მოხდა მისი მიმოწერის შესწავლა პეტრეუსთან და გაირკვა რომ გენერლის ბიოგრაფი მისი საყვარელიც იყო. მეორე ქალბატონის ვინაობა, რომელსაც ეჭვიანი ბიოგრაფი ემუქრებოდა, არ ხმაურდება.
როგორც ცნობილია, პეტრეუსის სკანდალური კავშირის გამო ბროდველთან, მისი გადაყენების გადაწყვეტილება მიიღო. გენერლის საყვარელი მისი ბიოგრაფიული წიგნის ავტორი იყო, რომელიც მიმდინარე წელს გამოქვეყნდა. პეტრეუსი დაქორწინებულია. მან მეუღლე სამხედრო აკადემაში სწავლის დროს გაიცნო. მათ ორი შვილი ჰყავთ.
