რეგიონული განვითარებისა და ინფრასტრუქტურის მინისტრი დავით ნარმანია საერთაშორისო სავალუტო ფონდის მუდმივ წარმომადგენელს საქართველოში აზიმ სადიკოვს შეხვდა.
შეხვედრაზე მხარეებმა სამინისტროში დაგეგმილ სტრუქტურულ რეფორმებზე ისაუბრეს და სამინისტროსა და საერთაშორისო სავალუტო ფონდს შორის სამომავლო ურთიერთობების პერსპექტივები განიხილეს. საერთაშორისო სავალუტო ფონდის მუდმივი წარმომადგენელი საქართველოს ახალი მთავრობის ეკონომიკური კურსით და იმ პრიორიტეტული მიმართულებებით დაინტერესდა, რომელიც მოსახლეობის დასაქმებასა და ცხოვრების დონის გაუმჯობესებას შეუწყობს ხელს. შეხვედრაზე საუბარი საქართველოს ეკონომიკური გაძლიერებისათვის საჭირო ქმედებებსა და აქტივობებსაც შეეხო. აზიმ სადიკოვმა საქართველოს ახალ მთავრობას მხარდაჭერა აღუთქვა იმ პროექტების განხორციელებაში, რომელიც ქვეყნის ეკონომიკურ წინსვლას შეუწყობს ხელს.
