ქართულ-ესპანური კოპროდუქცია "ჩაიკა", 22-ე ფესტივალის სექცია Global East-ში მოხვდა, ხოლო კოტბუსის ფესტივალის Connecting Cottbus აღმოსავლეთ-დასავლეთის კოპროდუქციის ბაზრობაზე სექციაში - CoCo Pitch , "სინეტეკის" პროექტი "სხვების სახლი" (House of Others) - რეჟისორი - რუსუდან გლურჯიძე, პროდიუსერები - რუსუდან გლურჯიძე და ზურა მაღალაშვილი, სცენარის ავტორები - დავით ჩუბინიშვილი, რუსუდან გლურჯიძე.
"ჩაიკა" წარდგენილი იყო სან-სებასტიანის ფესტივალზე, მიგელ ანხელ ხიმენესის ნამუშევარს, რომლის პროდიუსერიც ზურა მაღალაშვილია, მიღებული აქვს ევრიმაჟის დაფინანსება. მონაწილეობენ ბაჩი ლეჟავა, გიორგი გაბუნია, სალომე დემურია.
"სხვების სახლის" თემაა უსახლკარო, ომგამოვლილი ადამიანები, რომლებიც იბრძვიან გადარჩენისთვის და იდენტობის აღდგენისთვის. მოქმედება ხდება მიტოვებული სოფლის სახლში. მობინადრეებმა უნდა გადაწყვიტონ, რჩებიან თუ არა სახლში, რომელიც დამარცხებულებმა მიატოვეს.
ორი ქართული პროექტი გერმანიაში კოტბუსის ფესტივალზე 6-11 ნოემბერს იქნება წარდგენილი.
