მერიის ტრანსპორტის სამსახურის უფროსი ყვითელი ავტობუსის მძღოლებს მოუწოდებს აღადგინონ მუშაობა ,რათა თბილისელებს არ შეუქმნან გადაადგილების პრობლემა. მისი თქმით, წელს ფზიკურად შეუძლებელია ხელფასების ზრდა, ხოლო რაც შეეხება მომავალ წელს ხელფასების გადახედვას ეს დამოკიდებულია ცენტრალური ბიუჯეტიდან გამოყოფილ ტრანსფერზე.
"თბილისის სატრანპორტო კომპანია დედაქალაქის ბიუჯეტიდან 45 მილიონი ლარით ფინანსდება . წელს ფზიკურად შეუძლებელია ხელფასების ზრდა, ხოლო რაც შეეხება მომავალ წელს ხელფასების გადახედვას ეს დამოკიდებულია ცენტრალური ბიუჯეტიდან გამოყოფილ ტრანსფერზე, როგორც ნობილია ამ ეტაპზე საუბარია თბილისის ბიუჯეტის 100 მილიონი ლარით შემცირებაზე, ყველაფერი ცნობილო გახდება დეკემბრის ბოლოს, მას შემდეგ რაც დამტკიცდება თბილისის ბიუჯეტი და ამის შემდეგ ჩვენ შესაძლებლობა მოგვეცემა გადავხედოთ, თითოეული მძღოლის ხელფასის საკითხს. მოვუწოდებ ყველა მძღოლს აღადგინონ მუშაობა ,რათა თბილისელებს არ შეუქმნან გადაადგილების პრობლემა", - აცხადებს ჯოხაძე.
შეგახსენებთ, რომ თბილისში ყვითელი ავტობუსის მძღოლები გაიფიცნენ. გაფიცვაში დედაქალაქის სამივე ავტოპარკი და 1300-ზე მეტი მძღოლი მონაწილეობს. მძღოლებს 17-პუნქტიანი მოთხოვნები აქვთ შემუშავებული, რომლის დაკმაყოფილებსაც მოითხოვენ. ისინი დედაქალაქის ხელმძღვანელობისგან ძირითადად, შრომითი პირობების გაუმჯობესებასა და ხელფასების მომატებას ითხოვენ.
როგორც მძღოლები აცხადებენ, ეს გამაფრთხილებელი გაფიცვაა და თუ მათი მოთხოვნები არ დაკმაყოფილდა, პროტესტი უფრო მასშტაბურ ხასიათს მიიღებს.
