"ხელისუფლების მხრიდან ერთადერთი სწორი ნაბიჯი დაკავებულების გათავისუფლება იქნება, - განაცხადა ჟურნალისტებთან უშიშროების საბჭოს მდივანმა გიგა ბოკერიამ ყოფილი მაღალჩინოსნების დაკავების ფაქტის კომენტირებისას.
"არანაირი საფუძველი ამ ადამიანების დაკავებისა არ არსებობდა. ამ ნაბიჯებმა საქართველოს უკვე მიაყენა დარტყმა ქვეყნის შიგნით დემოკრატიული პროცესის თვალსაზრისით და ქვეყნის გარეთ ჩვენი რეპუტაციის თვალსაზრისით, განსაკუთრებით მომავალი ნატოს სამიტის კონტექსტში. ერთადერთი ნაბიჯი, რომელმაც შეიძლება შეამსუბუქოს ახალი ხელისუფლების ბრალეულობა, ეს არის ყველა ამ პირის დაუყოვნებლივ გათავისუფლება იმ პირობებში, როცა ყველა მათგანი მზადაა ითანამშრომლოს გამოძიებასთან", _ განაცხადა ბოკერიამ.
შეგახსენებთ, რომ სამართალდამცავებმა თავდაცვისა და შსს ყოფილი მინისტრი, გაერთიანებული შტაბის ყოფილი ხელმძღვანელი და მეოთხე ქვეითი ბრიგადის ყოფილი ხელმძღვანელი დააკავეს. მათ ამ დრომდე ბრალი წაყენებული არ აქვთ.