2011 წელს ბაჩანა ახალაიამ და ზურაბ შამათავამ სამხედრო მოსამსახურეების შეურაცხყოფა მიაყენეს, - განაცხადა ჟურნალისტებთან მთავარმა პროკურორმა. Mმისივე განცხადებით, არცერთ მათგანს ბრალი წაყენებული არ აქვს.
,,ამ ეტაპზე დადგენილ იქნა, რომ 2011 წლის ოქტომბერში თავდაცვის მინისტრმა ბაჩანა ახალაიამ გაერთიანებული შტაბის უფროსს გიორგი კალანდაძესთან ერთად და მეოთხე ბრიგადის მეთაურ ზურაბ შამათვასთან ერთად, თავდაცვის მინისტრის სამუშაო კაბინეტში ფიზიკური და სიტყვიერი შეურაცხყოფა მიაყენეს ექვს სამხედრო მოსამსახურეს. ამასთან ბაჩანა ახალაიამ ერთ-ერთ სამხედრო პირს დანის ტარი თავში ჩაარტყა", -განაცხადა მთავარმა პროკურორმა, რომელმაც აღნიშნა, რომ აღნიშნულის შემდეგ ბაჩანა ახალაიამ სამხედრო მოსამსახურეები ვაზიანში დისლოცირებულ მეოთხე ბრიგადაში გადაიყვანა, სადაც ბრიფინგის ოთახში ისევ მიაყენეს სიტყვიერი და ფიზიკური შეურაცხყოფა სამხედრო მოსამსახურეებს. სამხედრო მოსამსახურეებისთვის შეურაცხყოფის მიყენება გაგრძელდა მეოთხე ქვეითი ბრიგადის 20 სამხედრო მოსამსახურის წინაშე ეზოში ე.წ. პლაცზე სამხედრო მოსამსახურეების თვალწინ, _განაცხადა ჟურნალისტებთან კბილაშვილმა.
პროკურორის განცხადებით, დაკავებულ კალანდაძესა და შამათავას ბრალი არ წაყენებიათ და ბრალდება მათ კანონით გათვალისწინებულ ვადებში წარედგინება.
არჩილ კბილაშვილის განცხადებით საქმის საზოგადოებრივი ინტერესიდან გამომდინარე მოწმეების ჩვენებები პროკურატურის ვებგვერდზე განთავსდება.
შეგახსენებთ, რომ ბაჩანა ახალაია და ზურაბ შამათავა სამართალდამცავებმა სამსახურობრივი უფლებამოსილების გადამეტების გამო დააკავეს. მათ მიმართ სისხლის სამართლის საქმე 333-ე მუხლითაა აღძრული.
