ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ დევნილების სხვადასხვა ობიექტში შეჭრასთან დაკავშირებით განცხადება გააკეთა.
მინისტრის თქმით, სახელმწიფო და კერძო საკუთრების 51 შენობაში შეჭრილია 1981 დევნილი ოჯახი და აღნიშნა, რომ აღნიშნულს ორგანიზებული ხასიათი აქვს.
„ამ მოვლენას ორგანიზებული და მართული ხასიათი აქვს, სადაც „ ნაციონალური მოძრაობის" აქტივისტები და კოორდინატორები აქტიურობენ. დევნილთა სამინისტროსთან არსებული საკონსულტაციო საბჭოს მიერ (რომლის შემადგენლობაში შედიან სამინისტროს სპეციალისტები, საერთაშორისო დონორი და პარტნიორი ორგანიზაციების წარმომადგენლები, არასამთავრობო ორგანიზაციების და საზოგადოების წარმომადგენლები, მათ შორის დევნილები) შეიქმნა კომისიები, რომლებმაც ყველა შეჭრილი ოჯახი შეისწავლეს", - განაცხადა დავით დარახველიძემ.
