აჭარის მუნიციპალიტეტების გამგებლებმა დღეს აჭარის მთავრობის თავმჯდომარესთან შეხვედრის შემდეგ რამდენიმე საათში განაცხადეს, რომ არჩილ ხაბაძემ მათ თანამდებობიდან ნებაყოფლობით გადადგომისაკენ მოუწოდა, რასაც გამგებლები მათზე და ზოგადად ადგილობრივ თვითმმართველობაზე პირდაპირ ზეწოლად აფასებენ.
აღნიშნულ განცხადებას აჭარის მთავრობის თავმჯდომარე გამოეხმაურა და განმარტა, რომ გავრცელებული ინფორმაცია სიმართლეს არ შეესაბამება. შეხვედრაზე გამგებლებს სამომავლო თანამშრომლობასა და ერთობლივი პროექტების განხორცილებაზე ესაუბრა. დაიგეგმა მუნიციპალიტეტებში გასვლითი ღონისძიებები და პრობლემების ადგილზე შესწავლა. მთავრობის თავმჯდომარის თქმით, იგი გამგებლებს გადადგომას იურიდიულადაც ვერ მოსთხოვდა, რადგან ისინი საკრებულოების მიერ არიან არჩეულნი.
