აჭარის მთავრობის სხდომაზე დღეს ეკომიგრანტთა პრობლემებზე იმსჯელეს. შუახევის მუნიციპალიტეტის გამგებლის განცხადებით, ეკომიგრანტთა გარკვეული კატეგორია, რომლებიც საცხოვრებელი ბინებით რაიონშივე დაკმაყოფილდებიან, უკვე შერჩეულია. აჭარის ტელევიზიის ინფორმაციით, სპეციალურად მათთვის შუახევის რაიონის ყოფილ საავადმყოფოს რეაბილიტაცია უტარდება. სარემონტო სამუშაოები მიმდინარეობს ქედის საავადმყოფოს ძველ შენობაშიც, რომლის დასრულების შემდეგაც 50-ზე მეტი ოჯახის ბინით დაკმაყოფილება გახდება შესაძლებელი.
აჭარის მთავრობის თავმჯდომარის განცხადებით, არსებობს ეჭვი, რომ კომისია, რომელიც ეკომიგრანტთა შერჩევაზე მუშაობდა, ტენდენციური იყო, რამაც ეკომიგრანტთა ნაწლის უკმაყოფილება გამოიწვია. რეგიონის პირველის პირის განცხადებით, შეიქმნება ახალი კომისია, რომელიც ამ საკითხზე იმუშავებს. ახალი კომისიის შექმნის ერთ-ერთი ინიციატორები დღეს თავად გამგებლებიც იყვნენ.
