აჭარის თავმჯდომარე არჩილ ხაბაძე რეგიონის ხუთივე მუნიციპალიტეტის გამგებელს შეხვდა. გაცნობითი ხასიათის შეხვედრაზე მუნიციპალიტეტებში არსებულ ვითარებაზე ისაუბრეს. მთავრობის თავმჯდომარე ხულოში, შუახევში, ქედაში, ხელვაჩაურსა და ქობულეთში სოციალური და სამეურნეო პრობლემებით დაინტერესდა. შეხვედრაზე ასევე განიხილეს ბიუჯეტით გათვალისწინებული პროგრამებისა და ინფრასტრუქტურული სამუშაოების მიმდინარეობა.
საუბარი შეეხო შემოდგომის მოსავლის დაბინავებასა და რეალიზაციას, ზამთრის სეზონისთვის მზადებას, მოსახლეობის სათბობი შეშით მომარაგების საკითხებს. ასევე, განიხილეს საკურორტო ზონებში - გომარდულში, ქედლებსა და გოდერძზე ამ ეტაპზე არსებული ვითარება და ზამთრის სეზონისთვის დაგეგმილი ინფრასტრუქტურული სამუშაოები.
