თსუ-ს რექტორი ალექსანდრე კვიტაშვილი თანამდებობის დატოვებას არ აპირებს, - ამის შესახებ ნათქვამია თსუ საზოგადოებასთან ურთიერთობის დეპარტამენტის მიერ გავრცელებულ განცხადებაში. მათივე ინფორმაციით, ალექსანდრე კვიტაშვილი აკადემიურმა საბჭომ 2010 წლის 27 დეკემბერს 4 წლის ვადით აირჩია.
"მიუხედავად იმისა, რომ ივანე ჯავახიშვილის სახელობის თბილისის სახელმწიფო უნივერსიტეტის წესდებით რექტორის არჩევნები 2014 წლის ბოლოს უნდა ჩატარდეს, ამ თემასთან დაკავშირებით ბოლო დროს არაერთი განცხადება გაკეთდა.
რექტორის თანამდებობის დაკავების სურვილი გამოხატა გია მაისაშვილმაც. ამასთან, მან დღევანდელ პრესკონფერენციაზე აღნიშნა, რომ თანამდებობის დატოვებას აპირებს უნივერსიტეტის დღევანდელი ხელმძღვანელობა.
აღნიშნული ინფორმაცია არ შეესაბამება სინამდვილეს და საკითხი უნივერსიტეტის დღის წესრიგში არ დგას. თსუ რექტორი ალექსანდრე კვიტაშვილი აკადემიურმა საბჭომ 2010 წლის 27 დეკემბერს 4 წლის ვადით აირჩია", - ნათქვამია განცხადებაში.
