ჭიათურაში მაღაროელთა გაფიცვა გრძელდება. პროტესტს 10 ქალია შეუერთდა, რომელთაგან ერთი ფეხმძიმეა. 2500 მეტრის სიღმეში მყოფი მათაროელები მზად არიან პროტეტსი უკიდურეს ფორმებს მიმართონ.
სამი შვილის დედა აცხადებს, რომ ტერიტორიას მანამდე არ დატოვებს, ვიდრე „ჯორჯიან მანგანეზის" მუშებისთვის ხელფასის გაზრდა და სამუშაო პირობების გაუმჯობესება არ მოხდება. შეთანხმება დირექციასთან კი ისევ ვერ ხერხდება.
"ოთხი თვის ფეხმძიმე ვარ. 3 შვილი მყავს. მონური პირობებში ვართ. არანაირი სამუშაო პირობები არ გვაქვს", - აცხადებს თეა ყიფშიძე.
მაღაროელები ხელფასების ზრდასთან ერთად უკიდურესად მძიმე საყოფაცხოვრებო პირობების გაუმჯობესებას ითხოვენ. გაფიცულ მამაკაცებს თანამშრომელი ქალებიც შეუერთდნენ. აქცია ჭიათურის მაღაროში 2500 მეტრის სიღრმეზე მიმდინარეობს.
გუშინ გვირაბში მოლაპარაკებაც გაიმართა. მაღაროს თანამშრომლებთან "ჯორჯიან მანგანეზის" გენერალური დირექტორის წარმომადგენელი, გენადი ტიკვა ჩავიდა. მისი განცხადებით, მსოფლიო ბაზარზე შექმნილი კრიზისული მდგომარებიდან გამომდინარე, კომპანია სოლიდურ დაპირებებს სახელფასო მატებასთან დაკავშირებით ვერ გასცემს