"მოსკოვში საქართველოს პრემიერ- მინისტრის მიერ რუსეთში საქართველოს სპეციალურ წარმომადგენლედ ზურაბ აბაშიძის დანიშვნის შემდეგ თბილისისგან ურთიერთობების გაუმჯობესებისკენ მიმართულ კონკრეტულ ნაბიჯებს ელიან", _ განცხადება ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა ალექსანდრე ლუკაშევიჩმა რუსული მედიასთან საუბარში გააკეთა.
"რაღაც პროგნოზების კეთება აბაშიძის საქმიანობასთან დაკავშირებით, ვფიქრობ უადგილოა. ვიტყვი მხოლოდ იმას, რომ მას ჩვენთან ელჩად მუშაობით იცნობენ და მისი ვიზიტებით. თავადაც ის კარგად იცნობს რუსეთს",_ განაცხადა ლუკაშევიჩმა კითხვაზე პასუხის გაცემისას იმის შესახებ სპეციალური წარმომადგენლის მუშაობა დაეხმარება თუ არა ორ ქვეყანას ერთმანეთთან ურთიერთობები დაალაგოს.
"ჩვენ რა თქმა უნდა, ყურადღებას ვაქცევთ თბილისის მიერ გაკეთებულ განცხადებებს რომლებიც რუსეთთან ურთიერთობების ნორმალიზაციას ეხება, თუმცა საქართველოს ახალი ხელისუფლებისგან, უპირველეს ყოვლისა კონკრეტულ პრაქტიკულ ნაბიჯებს ველით", _ განაცხადა რუსეთის საგარეო საქმეთა სამინისტროს ოფიციალურმა წარმომადგენელმა.
