ბათუმის ძველი ბულვარის ზოლზე მცენარეების დაზიანების ფაქტი დაფიქსირდა.აჭარის ტელევიზიასთან საუბრისას, ბულვარის მთავარი აგრონომი ამბობს, რომ კოლექტორის მშენებლობის გამო, ფიჭვების ხეივანი ნადგურდება. სერგო ბალაძის თქმით, 25-ზე მეტი ძირი ფიჭვი და კვიპაროსი, რომელიც სამუშაოების გამო მიწიდან ამოიღეს, აგროწესების დაცვის გარეშეა გადარგული; თითოეულ მცენარეს შორის 8 მეტრი დისტანცია უნდა იყოს დაცული.
მოგვიანებით, ფიჭვების ხეივანში ბათუმის მერი მივიდა. ჯემალ ანანიძე აცხადებს, რომ მცენარეების გადარგვასთან დაკავშირებით პრობლემები არ შეიქმნება, ნარგავებს ქალაქის სხვა პერიმერტზე გადაიტანენ და შეინარჩუნებენ.
მერი განმარტავს, რომ ადგილზე სანიაღვრე კოლექტორი კეთდება, რომელიც ასათიანის ქუჩიდან ჭავჭავაძის ქუჩამდე არსებულ მონაკვეთს ერთიან სისტემაში მოაქცევს.
მასალის გამოყენების პირობები
