ენერგეტიკისა და ბუნებრივი რესურსების მინისტრი კახა კალაძე სს „თელასის" საინიციატივო ჯგუფთან დღეს შეხვედრა გამართა.
მინისტრი კომპანიიდან რამდენიმე თვის წინ გათავისუფლებული თანამშრომლების მდგომარეობით დაინტერესდა და შესაბამისი ინფორმაცია საინიციატივო ჯგუფისგან მოისმინა. როგორც კახა კალაძემ აღნიშნა, უახლოებს დღეებში „თელასის" მენეჯმენტს შეხვდება და უშუალოდ მისგან მოისმინეს იმ მიზეზებს, რის გამოც აღნიშნული ადამიანები სამსახურიდან გათავისუფლდნენ.
მისივე თქმით, სამინისტრო თითოეული ადამიანის საქმეს ინდივიდუალურად განიხილავს და გადაწყვეტილებას მიიღებს.
ენერგეტიკისა და ბუნებრივი რესურსების მინისტრი „თელასიდან" გუშინ თანამშრომლების გათავისუფლების ახალ ფაქტს გამოეხმაურა და აღნიშნა, რომ კომპანიის დირექტორთან შეხვედრაზე ამ საკითხსაც დააყენებს.
