საქართველოს სტატისტიკის ეროვნული სამსახური მონაცემთა გავრცელების საერთაშორისო რეკომენდაციებს ითვალისწინებს.
კერძოდ, სტატისტიკური ინფორმაცია ტრადიციულად გავრცელდება სტატისტიკურ სამუშაოთა კალენდრის მიხედვით, მითითებულ და დადგენილ ვადებში და მკაცრად განისაზღვრება გავრცელების ერთი და იგივე ზუსტი დრო - დილის 11 საათი. ეს არის დასავლეთის ქვეყნებში აპრობირებული მონაცემთა გავრცელების სტანდარტი და იგი რეკომენდებულია ევროპული სტატისტიკის ნორმების კოდექსის მიერ.
დღეიდან, ყველა სტატისტიკური ინფორმაცია საქსტატის ვებგვერდზე განთავსდება დილის 11 საათზე.