აჭარის ავტონომიური რესპუბლიკის მთავრობის თავმჯდომარემ, არჩილ ხაბაძემ, მინისტრთა კაბინეტის ახალი შემადგენლობა დაასახელა.
აჭარის ფინანსთა და ეკონომიკის სამინისტროს გიორგი თავართქილაძე უხელმძღვანელებს, რომელიც ამჟამად VTB ბანკის აჭარის ფილიალის დირექტორია, აჭარის ჯანმრთელობისა და სოციალური დაცვის სამინისტროს - ნუგზარ სურმანიძე, რომელიც ამავე სამინისტროში მუშაობს. აჭარის განათლების, კულტურის და სპორტის მინისტრი გია თამამაიშვილი იქნება, რომელიც აჭარაში ერთიანი ეროვნული გამოცდების ცენტრს ხელმძღვანელობდა. აჭარის სოფლის მეურნეობის სამინისტროს კი ზაურ ფუტკარაძე უხელმძღვანელებს, რომელიც "ფერმერთა სახლის" მეპატრონეა.
მინისტრთა კაბინეტს აჭარის მთავრობის თავმჯდომარე უმაღლეს საბჭოს ხვალ წარუდგენს. კანდიდატებს, სავარუდოდ, 1-ელ ნოემბერს დაამტკიცებენ.