700 -ზე მეტ პატიმარს ამნისტია შეეხება და ციხეებს დატოვებს. "მაესტროს" პრეს-კლუბში სასჯელაღსრულების, პრობაციისა და იურიდიული დახმარების მინისტრმა სოზარ სუბარმა განაცხადა, რომ სავარაუდოდ, გიორგობისთვის ამნისტია მოესწრება.
"ამნისტია შეეხება გაცილებით მეტ ადამიანს, ვიდრე ეს არის 700. მთლიანობაში წლის ბოლომდე ციხეებიდან ძალიან ბევრი ადამიანი გათავისუფლდება, იმ პროცესების გათვალისწინებით, რომელიც ჩვენ დავიწყეთ, პირობითი ვადამდე გათავისუფლება, ამნისტია, სასჯელის შეკრებითობის გაუქმება და ა.შ", - განაცხადა სუბარმა.