სასჯელაღსრულების გლდანის მე-18 სამკურნალო დაწესებულებაში მესამე დღეა 27 წლის პატიმარს პროტესტის ნიშნად პირი აქვს ამოკერილი და ხელები ერთმანეთზე აქვს მიკერილი. პატიმარი წყალსაც ვერ სვამს. ის სასჯელაღსრულების სამინისტროს წარმომადგენელთან შეხვედრას ითხოვს.
პატიმარი ფსიქიური ავადმყოფია. ჯანმრთელობის მძიმე მდგომარეობის მიუხედავად, მას მე-18 დაწესებულებაში ადეკვატური მკურნალობა არ უტარდება. დაწესებულების ადმინისტრაციის წარმომადგენლის განმარტებით, პატიმარი ფსიქიატრიულ დაწესებულებაშია გადასაყვანი, სადაც მას სპეციალური მკურნალობა ჩაუტარდება. ადმინისტრაციის ინფორმაციით, შესაბამისი მოთხოვნით მათ უკვე მიმართეს სასჯელაღსრულების დეპარტამენტს, საიდანც პასუხი ჯერ არ მიუღიათ.
იმის გამო, რომ პატიმარმა ბოლო 2 დღის განმავლობაში რამდენჯერმე თვითმკვლელობა სცადა, ის მე-18 დაწესებულების ფსიქიატრიული განყოფილებიდან ქირურგიულ განყოფილებაშია მოთავსებული, სადაც სასჯელს მისი ნაცნობი იხდის.