საქართველოს ტექნიკური უნივერსიტეტის სტუდენტებს საშუალება აქვთ, ჩაერთონ ტექნიკური უნივერსიტეტისა და სტოკჰოლმის უნივერსიტეტს ერთობლივ პროექტში "Education for Entrepreneurship and Innovation (E4E&I)" .
პროექტის ფარგლებში ჩატარდება დისტანციური ლექციები ბიზნესსამეწარმეო საქმიანობის სფეროში IT მიმართულებით.
სასწავლო კურსი ნოემბერში დაიწყება და იანვრამდე გასტანს. სტოკჰოლმის უნივერსიტეტის პროფესორები ჩაატარებენ დისტანციურ სასწავლო კურსს. ფინალურ ეტპზე, გამოცდების შედეგების მიხედვით მოხდება საუკეთესო სტუდენტების შერჩევა, რომლებიც 2-კვირიან პრაქტიკას გაივლიან შვედეთისა და უკრაინის IT-კომპანიებში.
აღნიშნული სამეწარმეო კურსის გავლა შეუძლიათ საქართველოს ტექნიკური უნივერსიტეტის ყველა საფეხურის სტუდენტებს: ბაკალავრებს, მაგისტრებს და დოქტორანტებს რომლებიც სწავლობენ საინფორმაციო საკომუნიკაციო ტექნოლოგიების მიმართულებით.
კურსი ჩატარდება ინგლისურ ენაზე.
