ხვალ, 30 ოქტომბერს, 13:00 საათზე ამერიკის შეერთებული შტატების ელჩი რიჩარდ ნორლანდი გახსნის მეათე ყოველწლიურ საგანმანათლებლო გამოფენას. გამოფენა ჩატარდება საქართველოს პარლამენტის ეროვნულ ბიბლიოთეკაში (მისამართი: ლადო გუდიაშვილი ქ. 7). გამოფენის ორგანიზატორები არიან აშშ-ს საელჩო საქართველოში, "საერთაშორისო განათლების ცენტრი", საინფორმაციო-საგანმანათლებლო ცენტრი "კვალი".
გამოფენაზე წარმოდგენილი იქნება ამერიკული უნივერსიტეტები, ჩატარდება სემინარები აშშ-ში უმაღლესი განათლებისა და აშშ-ს მთავრობის მიერ დაფინანსებული საგანმანათლებლო გაცვლითი პროგრამების შესახებ.
აშშ-ს საგანმანათლებლო გამოფენა სტუდენტებსა და სკოლის მოსწავლეებს შესაძლებლობას აძლევს შეხვდნენ და გაესაუბრონ ამერიკული უნივერსიტეტების წარმომადგენლებს, მიიღონ ინფორმაცია ამერიკულ უნივერსიტეტებში ინდივიდუალურად ჩარიცხვის შესახებ.
დაინტერესების შემთხვევაში სტუდენტებს შეუძლიათ მიმართონ "საერთაშორისო განათლების ცენტრს" და საინფორმაციო-საგანმანათლებლო ცენტრ "კვალს" კონსულტაციისთვის. ეს ცენტრები აშშ-ს სახელმწიფო დეპარტამენტის მიერ დაფინანსებული ორგანიზაციებია, რომლებიც უფასო კონსულტაციებს უწევენ აშშ-ში სწავლის გაგრძელების ყველა მსურველს.
საგანმანათლებლო გამოფენა ჩატარდება 13:00-16:00 სთ. დასწრება თავისუფალია.
გამოფენაში მონაწილებას მიიღებენ შემდეგი უნივერსიტეტები:
ფუტჰილის და დე განზას კოლეჯები
ჰავაის წყნარი ოკეანის უნივერსიტეტი
ჯონ კებოტის უნივერსიტეტი
ჩრდილოეთი ვირჯინიის სათემო კოლეჯი
პეისის უნივერსიტეტი
სავანის ხელოვნებისა და დიზაინის კოლეჯი
სტივენ ოსტინის სახელმწიფო უნივერსიტეტი
ნიუ იორკის სახელმწიფო უნივერსიტეტი ბუფალოში
კენტუკის უნივერსიტეტი
ჩრდილოეთი აიოვის უნივერსიტეტი
ვანდერბილტის უნივერსიტეტი
დასავლეთი ვირჯინიის უნივერსიტეტი
ვურჩესტერის პოლიტექნიკური უნივერსიტეტი.
