2013 წლის სასკოლო გამოცდებს ეროვნული ცენტრი აღარ ჩაატარებს, _ განაცხადა ჟურნალისტებთან განათლების მინისტრმა გიორგი მარგველაშვილმა. Mმისივე განცხადებით, მეთორმეტე კლასელთათვის გამოცდების ჩატარებას სკოლის დირექცია უზრუნველყოფს.
,,გამოცდების ეროვნული ცენტრი მეთორმეტე კლასელებს წელს გამოცდებს ვერ ჩაუტარებს, ეს გამოცდები ჩატარდება სკოლაში დირექციის მიერ. Gგამოცდების ეროვნული ცენტრი იწყებს გამოცდების ჩატარებას 2013 წლის სექტემბრიდან იმ მეთერთმეტე კლასელებისთვის ვინც 2013 წელს დაამთავრებს და მათ ჩაუტარდებათ გამოცდა იმ პროგრამით, რომელსაც დაამთავრებენ 2013 წლის მაისში", -განაცხადა მარგველაშვილმა, რომელმაც აღნიშნა, რომ სისტემა მწყობრში ჩადგება და მოსწავლეები გამოცდებს სასწავლო გეგმის მიხედვით ჩააბარებენ.
"გამოცდების ეროვნული ცენტრი გამოცდებს ჩაატარებს სკოლაში, მაგრამ შემდეგი ჩასწორებით. Gგამოცდები ჩატარდება მაშინ, როდესაც დამთავრდება ამა, თუU იმ საგნის სწავლება სასწავლო გეგმის მიხედვით, შესაბამისად მომავალში განმოცდები არ ჩატარდება მხოლოდ მეთორმეტე კლასში. ჩატარდება მეთერთმეტე, მეთორმეტე კლასებში გამომდინარე იქიდან როდის დამთავრდება სწავლება, ამა, თუ იმ საგანში", -განაცხადა მარგველაშვილმა, რომელმაც აღნიშნა, რომ აღნიშნული სისტემა 2013 წლის სექტემბრიდან დაინერგება.
