"ადამიანი უპირველეს ყოვლისა არის ის, ვინც უნდა გახდეს მსგავსება ღვთისა და ყოველივე, რაც ადამიანის შექმნამდე შეიქმნა, უნდა ემსახურებოდეს ადამიანს", - განაცხადა სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებისას.
მისი თქმით, წმინდა ილია მართალი ამბობდა: "ენა, მამული, სარწმუნოება". ამ წმინდა ადამიანის ქადაგებამ და მოღვაწეობამ გადაარჩინა საქართველო.
"ძველი რომაელები ამბობდნენ: ყველაფერი მოძრაობს და ფერს იცვლის. ცხოვრებამ მოიტანა ახალი აღმოჩენები, ახალი პრობლემები. ადამიანი გახდა მეტად მომთხოვნი, უფრო თხოულობს, ვიდრე აკეთებს და დღეს სულ სხვა არის ადამიანის მოთხოვნილება", - განაცხადა პატრიარქმა და დასძინა, - "ყველაზე საშიშია ის, რომ ადამიანმა ვერ გაიგო, რა არის თავისუფლება".
პატრიარქის თმით, ადამიანი დღეს არა მხოლოდ თავისუფალია, არამედ ცოდვის მონაა.
"ყველაზე დიდი ცოდვაა ამპარტავნება და მისი განდევნა მხოლოდ წმინდა სამებას შეუძლია", - აღნიშნა პატრიარქმ ისურვა, რომ ქართველი ხალხი ამპარტავნებისგან გათავისუფლდეს.
მისი თქმით, დღეს უფრო გავრცობილია წმინდა ილია მართლის სიტყვები და ის ასე ჟღერს: ღმერთი, სამშობლო, ადამიანი.