უკრაინაში ხორბლის ექსპორტის შეზღუდვამ მსოფლიო ბაზარზე ხორბალი კიდევ უფრო გააძვირა. ეს მას შემდეგ მოხდა, რაც ცნობილი გახდა, რომ 15 ნოემბრიდან უკრაინა ხორბლის ექსპორტს შეზღუდავდა.
ჩიკაგოს ბირჟაზე ხორბალზე დეკემბრის კონტრაქტები 0,6%-ით, ბუშელზე 8,7350 დოლარამდე (320,92 დოლარი ტონაზე) გაიზარდა.
აშშ-ის სოფლის მეურნეობის სამინისტროს ინფორმაციით, ხორბლის მოსავალი რუსეთში, ყაზახეთსა და უკრაინაში, წელს 37 %-ით შემცირდა. სამინისტრო ვარაუდობს, რომ უკრაინაში შეზღუდვების ამოქმედებს შემდეგ, უკრაინული ხორბლის ექსპორტი 5 წლის მინიმუმადე დაეცემა.
შეგახსენებთ, რომ უკრაინა ხორბლის ექსპორტზე გარკვეულ შეზღუდვებს აამოქმედებს. როგორც უკრაინის სოფლის მეურნეობის მინისტრმა ნიკოლაი პრისიაჟნიუკმა განაცხადა, შეზღუდვა ძალაში 15 ნოემბრიდან შევა.
აღსანიშნავია, რომ წელს უკრაინამ 3-ჯერ ნაკლები ხორბალი აიღო, ვიდრე გასულ წელს. სწორედ ამიტომ, ქვეყანა იძულებული გახდა, ხორბლის ექსპორტზე გარკვეული შეზღუდვები დაეწესებინა.
