ესპანელი საოპერო მომღერალი მონსერატ კაბალიე ბარსელონას საავადმყოფოში მხრის მოტეხილობის გამო მოათავსეს. ესპანური მედიის ცნობით, მომღერალი კლინიკაში რუსეთიდან დაბრუნებისთანავე გადაიყვანეს.
გავრცელებული ინფორმაციით, ეკატერინბურგში კონცერტის დაწყებამდე 79 წლის მომღერალმა თავი შეუძლოდ იგრძნო, მან გონება დაკარგა და დაეცა. კაბალიე საავადმყოფოში მიიყვანეს, სადაც ექიმებმა მიკროინსულტისა და მხრის მოტეხილობის დიაგნოზი დაუსვეს. კაბალიემ რუსეთში მკურნალობაზე უარი თქვა და სასწრაფოდ ბარსელონაში დაბრუნდა.
ამ დროისათვის მონსერატის ჯანმრთელობის მდგომარეობა ექიმების შიშს არ იწვევს. ესპანური მედიის ინფორმაციით იგი თავს უკეთ გრძნობს.
მომღერლის ავადმყოფობის გამო ახლო მომავალში მისი ყველა კონცერტი და გასტროლი გადაიდო.
2010 წლის ივნისში ერთ-ერთი კონცერტის დროს კაბალიე უგონოდ დაეცა და მარცხენა მუხლი დაიზიანა. ტრავმის შედეგად ის დიდი ხნის განმავლობაში მკურნალობდა.
