"ყველაფერს გავაკეთებთ დევნილებისთვის საცხოვრებელი პირობების გასაუმჯობესებლად", _ განაცხადა ივანიშვილმა ოპოზიციასთან შეხვედრისას.
მისივე განცხადებით, გადაწყვეტილი არ არის, თუ როდის, ან რამდენით მოხდება დევნილებისთვის დახმარების გაზრდა.
"დევნილებს რაც შეეხება, ნებისმიერმა ნორმალურმა სახელმწიფომ და ჩვენ უნდა მოვახერხოთ და ვიზრუნოთ დევნილებზე, რომელიც წლების განმავლობაში ძალიან ბევრი სიმცირე გადაიტანეს. აქ დრო არ გავქვს დასახელებული, თუ როდის მოხდება დახმარების გაზრდა მიზანი გასაგებია, რომ უნდა გაორმაგდეს და უნდა იყოს არანაკლები საარსებო მინიმუმზე დრო არ დაგვისახელებია, მაგრამ პირველ რიგში მათთან შეხვედრისას და ბევრჯერ აღვნიშნე და დღესაც შემიძლია გავიმეორე, რომ საქართველოში ეკონომიკა და საზოგადოება უნდა განვითარდეს ჰარმონიულად და ერთი მათგანი არ უნდა განვითარდეს მეორეს ხარჯზე, თუმცა დევნილების შემთხვევაში ჩვენ დაუშვებთ გამონაკნლისს და ყველაფერს გავაკეთებთ იმისათვის, რომ პრიორიტეტულად მოვახერხოთ დევნილებისთვის საცხოვრებელი პირობების გაუმჯობესება", _ განაცხადა ივანიშვილმა.