" საინიციატივო უფლებადამცველი ჯგუფი ,,ბიზნესმენები საქართველოში თავისუფალი ბიზნესისათვის,, მიხეილ სააკაშვილის განცხადებას ეხმიანება. მსოფლიო ბანკის რეიტინგით, ბიზნესის კეთების სიადვილის მხრივ, საქართველომ მე-9 ადგილზე გადაინაცვლა, - ამის შესახებ საქართველოს პრეზიდენტმა მიხეილ სააკაშვილმა დუბაიში განაცხადა.
სააკაშვილი, რომელიც დუბაიში საერთაშორისო ენერგეტიკულ ფორუმში მონაწილეობს, მიიჩნევს, რომ მსოფლიო ბანკის ახალი რეიტინგის პირველ ათეულში საქართველოს მოხვედრა მთავრობის მიერ გატარებული რეფორმების შედეგია. მისი განცხადებით, ძველი მთავრობა ახალს მსოფლიოში კარგ რეპუტაციასთან ერთად, ბევრ პრობლემას უტოვებს.
საინიციატივო ჯგუფი ,,ბიზნესმენები საქართველოში თავისუფალი ბიზნესისათვის,, რომელშიც როგორც მომქმედი მეწარმეები ასევე ამ ხელისუფლების მიერ დევნილი, დაპატიმრებული და რეპრესირებული ბიზნესმენებია გაწევრიანებული აცხადებს, რომ საქართველოში მიხეილ სააკაშვილისა და მისი გუნდის მმართველობის პერიოდში განხორციელდა უამრავი შემთხვევა თავისუფალი ბიზნესმენებისა და ბიზნესტრუქტურების დარბევისა , მრავალი წლის განმავლობაში მიზანმიმართულად მიმდინარეობდა ხელისუფლების, მათი ნათესავების ან მათან დაახლოვებული პირების მიერ კონტროლირებადი ბიზნესტრუქტურების მხრიდან მომგებიანი ბიზნეს სფეროების მონოპოლიზაცია, პოლიტიკური, ქონებრივი თუ კონკურენტის ბაზრიდან გაძევების ინტერესით უსამართლოდ დაჯარიმებულია, გაძარცვულია, დევნილობაშია, სასჯელი მოიხადა თუ ეხლაც სატუსაღოშია უამრავი ქართველი თუ უცხოელი მეწარმე. მათზე განხორციელებული ტერორისა და ქვეყანაში გამეფებული უსამართლობის პირობებში, ზეწოლით, წნეხის ქვეშ პირადი თუ ოჯახის წევრების ფიზიკური განადგურების შიშით ბევრი მათგანი ნაციონალური მოძრაობის მმართელობის პერიოდში ვერც კი ახერხებდა გაეხმაურებინა მათზე განხორციელებული ძალადობის ფაქტები.
საქართველოში მომქმედი დიქტატორული რეჟიმი ქვეყნაში შიშის სინდრომის დანერგვით ახერხებდა და მალავდა შექმნილ რეალობას, საკუთარი თანამოქალაქეების მიმართ ჩადენილ დანაშაულობებს ფაქტების აღრევითა და ფსევდოდემოკრატიით ნიღბავდა და მხოლოდ საკუთარი ბიზნესტრუქტურების ფასადური ,,წარმატებების,, დემონსტრირებით მრავალი წელი შეცდომაში შეჰყავდა, როგორც საკუთარი ისე მსოფლიო საზოგადოება.
