თითქმის სამი დღეღამის შემდეგ შენობაზე იერიში დაიწყო, რომლის შედეგადაც ტერორისტები გაანადგურეს და მძევალთა ნაწილი გაათავისუფლეს, თუმცა დაღუპულთა რაოდენობა არც თუ ისე მცირე - 130 ადამიანი იყო. თუმცა არსებობს ინფორმაცია იმის შესახებაც, რომ მსხვერპლის რაოდენობა ოფიციალურზე გაცილებით მეტი იყო და ის 174 ადამიანს აღწევდა.

მაშინ აქტიურად განიხილებოდა საკითხი იმის შესახებ რომ მძევლების ჯანმრთლობაზე დიდი გავლენა მოახდინა დამაძინებელი გაზის მოქმედებამ, რომელიც იერიშის დაწყებამდე ვენტილაციაში გაუშვეს. ცეცხლზე ნავთი დაასხა იმანაც, რომ რუსეთის ხელისუფლებამ გაშვებული გაზის შემადგენლობის დასახელებაზე უარი განაცხადა.

მოსკოვის მთავარმა ექიმმა ანდრეი სელცოვსკიმ განაცხადა, რომ გაზის მოწამვლას დიდი გავლენა არ მოუხდენია მძევლების სიკვდილიანობაზე. იგივე აზრი 2003 წელს გამოთქვა რუსეთის პრეზიდენტმა ვლადიმერ პუტინმა.

გაზის ფორმულა ამ დრომდე უცნობი რჩება და ხელისუფლება მის შემადგენლობაზე კვლავინდებურად დუმს. ცნობილია მხოლოდ ის, რომ მის შემადგენლობაში შედიოდა კომპონენტი ფენტანილი - ძალიან ძლიერმოქმედი ანაგეტიკი, რომელიც გამოიყენება ანესთეზიოლოგიაში, განსაკუთრებით ხშირად კი ნეიროქირურგების მიერ, კრიტიკულად მძიმე ოპერაციების დროს თავის ტვინზე.

გასული წლის ბოლოს ადამიანის უფლებათა ევროპულმა სასამართლომ რუსეთს "ნორდ-ოსტის" მსხვერპლთათვის 1,3 მილიონი ევროს გადახდა დააკისრა. შვიდი მოსამართლიდან შემდგარმა კოლეგიამ ერთხმად დაადგინა, რომ დუბროვკაზე მიმდინარე მოვლენების დროს ხალხის მასობრივი დაღუპვის რეალური საფრთხე არსებობდა და რუსეთის ფედერაციის ხელისუფლებას ჰქონდა ყველანაირი საფუძველი იმისა, რომ შეეწყვიტათ მოლაპარაკებები ტერორისტებთან და იერიში დაეწყოთ. სასამართლომ ასევე გადაწყვიტა, რომ გამართლებული იყო ასევე გაიზს გაშვება. ინფორმაციას ამის შესახებ რუსული მედია ავრცელებს.
ამასთან ერთად, სასამართლოს გადაწყვტილებით, სამაშველო ოპერაცია იერიშის შემდეგ საკმარისად მომზადებული არ იყო და ტრაგედიის მსხვერპლთ გაურკვეველი გაზის გაშვების შემდეგ ადეკვატური სამედიცინო დახმარება არ გაეწიათ. სხვა და სხვა სამაშველო სამსახურების მოქმედება ცუდად კოორდინირებული იყო, ევაკუაცია დაგვიანებული, არ იყო საკმარისი სამედიცინო დანადგარები და ასევე ცუდად იყო ორგანიზებული ტრანსპორტირება.
მაშინ რუსეთში თითქმის ფრთოსან ფრაზად იქცა ბარაევის სიტყვები, რომლებიც მან სცენაზე ასვლისას განაცხადა: "ჩვენ გვსურს ლამაზად მოვკვდეთ იმაზე მეტად ვიდრე თქვენ გსურთ სიცოცხლე".
სცენიდანვე გააცნეს ყველას ტერორისტებმა თავისი მოთხოვნა: გამოყვანილ იქნეს ჩეჩნეთიდან ფედერალური ძალები.
როდესაც პირველად სცენაზე ავტომატიანი ადამიანი დაეშვა მაყურებელმა იფოქრა, რომ ეს ყველაფერი სპექტაკლის შემადგენელი იყო და ტაშის დაკვრა დაიწყო...