სიღნაღის მუზეუმში ფოტოგამოფენა "საგანძური" გაიხსნა. ფოტოგამოფენა სრულიად საქართველოს კათალიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის, ილია II-ის დაბადებიდან მე-80 და აღსაყდრებიდან 35-ე წლისთავის აღსანიშნავად იმართება.
ექსპოზიციაზე ქართული ქრისტიანული ხელოვნების 35 ნიმუშის მაღალმხატვრული ფოტოვერსიაა წარმოდგენილი.
პროექტ "საგანძურის" მიზანია ქართული სულიერი და მატერიალური კულტურის, ქართული მარლთმადიდებლური ღირებულებეის წარმოჩინებისა და დაცვისათვის ხელშეწყობა, ქართული ქრისტიანული ხელოვნების პოპუყლარიზაცია და ცნობადობის გაზრდა, "საგანძურის" შედევრების შექმნისა და ისტორიის კვლევისათვის ხელშეწყობა.
პროექტის ფარგლებში "საგანძურის" მოგზაურობა დაიწყო ქალაქ მცხეთიდან 12 ოქტომბერს. მცხეთის შემდეგ ექსპოზიცია გაიმართება სტეფანწმინდაში ალ. ყაზბეგის სახლ-მუზეუმში. დეკემბრამდე "საგანძური" საქართველოს კიდევ 5 ქალაქში მოეწყობა.
პროექტის ორგანიზატორები არიან საქართველოს კულტურისა და ძეგლთა დაცვის სამინისტრო, საპატრიარქოს ხუროთმოძღვრების, ხელოვნებისა და რესტავრაციის ცენტრი და საქართველოს ეროვნული მუზეუმი.
ფოტოგამოფენა სიღნაღის მუზეუმში 25 ოქტომბრამდე გაგრძელდება.