საქართველოს პირველი ლედი სანდრა ელისაბედ რულოვსი სამუშაო ვიზიტით პოლონეთში გაემგზავრა. ვიზიტის ფარგლებში სანდრა რულოვსი პოლონეთის პირველ ლედის ანა კომოროვსკას შეხვდება და მისი მიწვევით ბელვედერის სასახლეში გამართულ კონცერტსაც დაესწრება.
ვიზიტის დროს საქართველოს პირველი ლედი ვარშავაში ბეთხოვენის საზოგადოებასა და შოპენის ინსტიტუტში შეხვედრებს გამართავს.
სანდრა რულოვსი პოლონეთის გარდაცვლილი პირველი ლედის მარია კაჩინსკას ძმას კონრად მაცკევიჩს შეხვდება და ასევე წელს სვანეთში გარდაცვლილი პოლონელი ტურისტის ანა მოძელევსკას ოჯახს მოინახულებს.
სანდრა რულოვსი საქართველოში 20 ოქტომბერს დაბრუნდება.
