მომავალი მთავრობა უახლოეს პერიოდში საგადასახადო განაკბვეთების დაწევას არ აპირებს. როგორც ფინანსთა მინისტრობის კანდიდატი განმარტავს, განაკვეთების დაწევამდე ჯერ სერიოზული კვლევა უნდა ჩატარდეს და მის შემდეგ გადაწყდება დაიწევს თუ არა ქვეყანაში საგადასახადო განაკვეთები.
"რაც შეეხება გადასახადების შემცირებას პირველი რაც აწუხებს მოსახლეობას ის არის, რომ საშემოსავლო გადასახადში გაჩნდება დაუბეგრავი მინიმუმის მცნება და ეს იქნება საარსებო მინიმუმის მოცულობის. უფრო მნიშვნელოვანი ვიდრე გადასახადების შემცირებაა, ეს არის საგადასახადო ადმინისტრირების გაუმჯობესება და საგადასახადო ადმინისტრირების ჰარმონიზაცია, რათა არ დავახრჩოთ ბიზნესი და ის განვითარდეს. რაც შეეხება განაკვეთის დაწევას ამას სჭირდება სერიოზული ანალიზი და ამ ანალიზის შემდეგ ვიმსჯელებთ განაკვეთების დაწევაზე", - განაცხადა ნოდარ ხადურმა.
