კახი კალაძე ენერგეტიკის სამინისტროში საკადრო ცვლილებებს არ გეგმავს. როგორც ჟურნალისტებთან ენერგეტიკის მინისტრობის კანდიდატმა კახი კალაძემ განაცხადა ცვლილებები მოხდება მხოლოდ და მხოლოდ მინისტრის მოადგილეების დონეზე.
,,ყველა ის ადამიანი, რომელიც ღირსეულად ემსახურებოდა ქვეყანასა და სამინისტროს მუშაობას გააგრძელებს. ცვლილებები იქნება მინისტრის მოადგილეების დონეზე", _განაცხადა კალაძემ.
კახი კალაძე საკუთარი კადრების წარდგენას უახლოეს დღეებში გეგმავს.
,,ჩემს კადრებს რაც შეეხება ძალიან მალე წარმოგიდგენთ გუნდს, რომელიც ჩემთან ერთად, მუშაობას დაიწყებს. Eეს იქნებიან გამოცდილი სპეციალისტები და დარწმუნებული ვარ, გავამართლებთ იმ ნდობას, რომელიც ბატონმა ბიძინა ივანიშვილმა ჩვენს მიმართ გამოიჩინა", _განაცხადა კალაძემ.
შეგახსენებთ, რომ ბიძინა ივანიშვილმა კახი კალაძე ენერგეტიკის მინისტრის პოსტზე წარადგინა.
