თბილისის მერი გიგი უგულავა ავღანეთის სამშვიდობო მისიის დროს, საბრძოლო ამოცანის შესრულებისას კაპრალ მინდია აბაშიძის გარდაცვალების გამო მწუხარებას გამოთქვამს.
"ღრმა მწუხარებას გამოვთქვამ ავღანეთის სამშვიდობო მისიის დროს, საბრძოლო ამოცანის შესრულებისას კაპრალი მინდია აბაშიძის გარდაცვალების გამო და სამძიმარს ვუცხადებ დაღუპულის ოჯახს", - აღნიშნულია მის განცხადებაში.
კაპრალი მინდია აბაშიძე ავღანეთის სამშვიდობო მისიის დროს საბრძოლო ამოცანის შესრულებისას გარდაიცვალა. აბაშიძე 1989 წლის 27 ოქტომბერს დაიბადა. შეიარაღებულ ძალებში 2008 წლის 4 აგვისტოდან მსახურობდა. იგი სახმელეთო ჯარების მესამე ქვეითი ბრიგადის 32 მსუბუქი ქვეითი ბატალიონის საცეცხლე ჯგუფის მეთაური იყო. ავღანეთის სამშვიდობო მისიაში 2010 - 2011 წლებშიც მონაწილეობდა.
