"თუ ეს წინადადება რუსეთსა და საქართველოს მიერ ადრევე არ არის მოლაპარაკებული, მაშინ იგი ორივე დაპირისპირებული მხარისთვის გაწეულ დათვურ სამსახურს უფრო ჰგავს და მიმაჩნია, ეს ასეც არის", - აცხადებს რუსულ მედიასთან საუბარში პოლიტოლოგი ანდრეი ოსტროვსკი ალექსანდრე ლუკაშნკოს მიერ გაკეთებული განცხადების კომენტირებისას საქართველოს დსთ-ში დაბრუნების თაობაზე.
"ჩვენ თვალს ვადევნებთ ოფიციალური მინსკის თამაშს მიხეილ საკაშვილთანაც და დსთ-ის წევრი სახელმწიფოების სხვა ლიდერებთანაც. კიდევ, აქ ჩანს მცდელობა, შეიქმნას ბელარუსისთვის სერიოზული საგარეო პოლიტიკური მოთამაშის იმიჯი, რომელსაც საქართველოს დსთ-ში დაბრუნება ძალუძს", _ განაცხადა ოსტროვსკიმ და აღნიშნა, რომ რეალურად საქართველოს დსთ-ში გაწევრიანების საკითხი კრემლში უნდა გადაწყდეს.
"რეალურად, საქართველოს დსთ-ში გაწევრიანების საკითხი კრემლში უნდა გადაწყდეს. ლუკაშენკოსა და სააკაშვილის კარგი პირადი ურთიერთობები არ არის გარანტია საქართველოს დაბრუნებისა. თუკი ეს რუსეთს არ უნდა, ვერავინ ვერსად დაბრუნდება. პირიქით, თუ რუსეთს უნდა და მზად არის საქართველო დსთ-ში კვლავ იხილოს, მაშინ ყველაფერი მშვიდად და წყნარად ჩაივლის. საქართველოსთვის კი დსთ-ში დაბრუნება - ეს, ფაქტობრივად, მორიგებაა რუსეთთან, ანუ ეს იმის აღიარება იქნება, რომ აფხაზეთი და სამხრეთ ოსეთი უკვე აღარასოდეს იქნება საქართველოსი. წავა ამაზე სააკაშვილი? მხოლოდ მაშინ, როდესაც მის ხელისუფლებას რეალურად დაემუქრება საფრთხე და დაბრუნება ერთადერთი გამოსავალი იქნება", _ განაცხადა ოსტროვსკიმ.