გურჯაანის N12 ოლქის ველისციხის N15 საარჩევნო უბანზე რძალმა არჩევნებში მონაწილეობა დედამთილის ნაცვლად მიიღო. როგორც კახეთის საინფორმაციო ცენტრს უბანზე მყოფმა „ადამიანის უფლებათა ცენტრის" დამკვირვებელმა შეატყობა, თავდაპირველად მოქალაქე ელისო ჯავახიშვილი საარჩევნო უბანზე დედამთილის პირადობით გამოცხადდა და არჩევნებში მონაწილეობა უპრობლემოდ მიიღო.
„ცოტა ხანში იმავე ქალბატონი ისევ მობრუნდა საარჩევნო უბანზე და ამჯერად საკუთარი პირადობის მოწმობით დააპირა არჩევნებში მონაწილეობა. მოქალაქის ერთსა და იმავე უბანზე განმეორებით მოსვლა თავდაპირველად კომისიაში მყოფმა „ქართული ოცნების" წევრმა დააფიქსირა. გადამოწმების შედეგად დადგინდა, რომ პირველად ელისო ჯავახიშვილმა დედამთილის ნაცვლად მიიღო მონაწილეობა და შემდეგ თავისი პირადობით აპირებდა ხმის მიცემას" - განაცხადა „ადამიანის უფლებათა ცენტრის" დამკვირვებელმა.
აღნიშნულ დარღვევასთან დაკავშირებით „ქართული ოცნების" წარმომადგენელმა გურჯაანის N12 ოლქის ველისციხის N15 საარჩევნო უბანზე საჩივარი შეადგინა.
